Polimer Materialları İnstitutunda seminar: Lütfi Zadə. Qeyri-səlis çoxluqlar nəzəriyyəsi
Bakı, 8 aprel, AZƏRTAC
Elm və Təhsil Nazirliyinin Polimer Materialları İnstitutunda elmi seminar olub. Seminarda elmi işçi Vüsalə Mirzəyevanın “Lütfi Zadə. Qeyri-səlis çoxluqlar nəzəriyyəsi” mövzusunda məruzəsi dinlənilib.
Bu barədə AZƏRTAC-a institutdan məlumat verilib.
V.Mirzəyeva məruzəsində qeyri-səlis məntiq nəzəriyyəsinin banisi, dünyaşöhrətli alim, professor Lütfi Zadənin həyatı, elmi yaradıcılığı və nəzəriyyəsi haqqında məlumat verib. O, qeyri-səlis məntiq nəzəriyyəsinin riyaziyyatın, kibernetikanın, informasiya və hesablama texnikasının inkişafı tarixində yeni bir dövr açdığını və bu nəzəriyyənin bütün dünyada elmə, texnikaya və texnologiyaya geniş nüfuz etdiyini bildirib.
Sonra iştirakçıların sualları cavablandırılıb.
Bölmənin digər xəbərləri
