Praqa küçələrinə hidrogen yanacağı ilə işləyən ilk avtobuslar buraxılıb
Praqa, 18 iyul, AZƏRTAC
Praqa yollarında hidrogen yanacağı ilə işləyən ilk avtobuslar peyda olub. AZƏRTAC xəbər verir ki, bundan sonra və növbəti iki il ərzində şəhər rəhbərliyi innovativ işlənməni sınaqdan keçirəcək. Alternativ mühərriki olan maşının tətbiqinin sərhədlərini müəyyən etmək lazımdır.
Hidrogen yanacağı ilə işləyən avtobus elektrik avtobus deməkdir, lakin onun doldurulması tələb olunmur. Elektrik enerjisini istehsal etmək üçün təmiz hidrogenlə doldurulmuş yanacaq elementindən istifadə olunur. O, 35 atmosferə qədər sıxılmış 35 kq hidrogen ehtiyatını daşıyır və bu, bir yanacaqdoldurma məntəqəsində təxminən 350 kilometr təhlükəsiz hərəkət etmək üçün kifayətdir.
Avtobus alçaq platformada hazırlanıb və onun hərəkəti çox astadır. İlk Praqa hidrogen yanacağı ilə işləyən avtobusa paytaxtın Cənubi Şəhər və Barrandov kimi rayonlarında rast gəlmək olar.
Xətt üzrə marşrutun uzunluğu bir tərəfə 20 kilometr təşkil edir. Yolun bir hissəsi nisbətən düzdür, digəri isə kəskin şəkildə dağa qalxır. Məhz dağlıq ərazilərdə bu elektrik avtobusları nisbətən çox enerji sərf edir. Bax buna görə də dizel yanacağı və elektrik enerjisinin böyük istehlakı olan, həqiqətən də gərgin xətdə hidrogen texnologiyasını sınaqdan keçirmək lazımdır.
İyulda avtobus yalnız pik saatlarda, avqustda isə bütün gün ərzində işləyəcək.
Yayda kondisioner, qışda isə isitmə ilə əlaqədar olaraq enerji sərfiyyatının fərqli olacağı gözlənilir. Hidrogen mühərrikinin üstünlüyü ondan ibarətdir ki, onun istilik üçün istifadə oluna bilən işlənmiş enerjisi var. Qışda elektrik avtomobillərini yalnız elektrik enerjisi ilə isitmək olar.
AZƏRTAC-ın xüsusi müxbiri
Praqa
Bölmənin digər xəbərləri
