Premyer Liqa: “Zirə” “Səbail”ə, “Neftçi” “Turan Tovuz”a qarşı
Bakı, 10 may, AZƏRTAC
Bu gün futbol üzrə Misli Premyer Liqasında XXXIV turun daha 2 oyunu keçiriləcək.
AZƏRTAC xəbər verir ki, günün ilk matçında “Zirə” “Səbail”in qonağı olacaq. “ASCO Arena”dakı qarşılaşma saat 17:00-da başlayacaq. Qarşılaşmanı Tural Qurbanov idarə edəcək.
Artıq gümüş medalları təmin edən “qartallar” 67 xalla turnir cədvəlinin 2-ci pilləsində qərarlaşıb. “Dənizçilər” isə 22 xalla sonuncu – 10-cu sırada yer alıb.
Günün son oyunu Tovuzda keçiriləcək. “Neftçi” səfərdə “Turan Tovuz”la qarşılaşacaq. Saat 19:30-da start götürəcək matçın baş hakimi Rəşad Əhmədov olacaq.
Qeyd edək ki, XXXIV turun açılış oyununda “Sabah” öz meydanında “Şamaxı”ya 3:1 hesabı ilə qalib gəlib. Tura mayın 11-də keçiriləcək 2 qarşılaşma ilə yekun vurulacaq.
Bölmənin digər xəbərləri
