Problem şurasının iclasında 12 elmi iş müsbət qiymətləndirilib
Bakı, 18 iyul, AZƏRTAC
Azərbaycan Respublikası Elmi Tədqiqatların Əlaqələndirilməsi Şurasının biologiya, aqrar və tibb elmləri üzrə problem şurasının növbəti iclası keçirilib.
Bu barədə AZƏRTAC-a AMEA-dan məlumat verilib. Bildirilib ki, onlayn təşkil edilən iclasda AMEA-nın vitse-prezidenti, problem şurasının sədri akademik İradə Hüseynova gündəlikdəki məsələləri diqqətə çatdırıb.
İclasda fiziki-kimyəvi biologiya üzrə 7, botanika üzrə 3, zoologiya üzrə isə 4 dissertasiya mövzusu müzakirəyə çıxarılıb. Dissertasiya mövzuları professor Səyyarə İbadullayeva, dosentlər Səbinə Ömərova və İlhamə Kərimova tərəfindən təqdim edilib. Müzakirəyə çıxarılmış bəzi mövzuların adında dəyişikliklər edilməklə 12 iş müsbət qiymətləndirilərək qeydiyyata alınıb, 2 iş yenidən müzakirə üçün geri qaytarılıb.
İclasda problem şurasının işçi qruplarının üzvləri, eləcə də iddiaçılar, müvafiq dissertasiya işlərinin elmi rəhbərləri və məsləhətçiləri iştirak ediblər.
Bölmənin digər xəbərləri
