Qanun pozuntuları ilə əlaqədar 106 müraciət qeydə alınmışdır
Bakı (AZƏRTAC). Ekologiya və Təbii Sərvətlər Nazirliyinin (ETSN) 24 saat fəaliyyət göstərən “Qaynar xətt”inə aprel ayı ərzində 106 müraciət daxil olmuşdur.
ETSN-in mətbuat xidmətindən AZƏRTAC-a bildirmişlər ki, ağacların kəsilməsi ilə bağlı müraciətlər araşdırılmış, 5 şikayət üzrə fakt təsdiqlənmiş və qanunamüvafiq tədbirlər görülmüşdür. 16 müraciət isə öz təsdiqini tapmamışdır.
Ağacların aşma təhlükəsi ilə əlaqədar 72 müraciətdən 67-nə yerində baxış keçirilmiş, rəy və təkliflər verilmiş, 2 müraciət əsassız hesab edilmişdir. 3 müraciət isə icradadır.
Məişət tullantılarının qalaqlanması, yerin təkindən istifadə, atmosfer havasının çirklənməsi, çirkab sularının axıdılması və radiasiya ilə əlaqədar 13 müraciətdən 2-si barədə tədbirlər görülmüş, 11-i isə əsassız olmuşdur.
Bölmənin digər xəbərləri
