“Qarabağ”ın rəqibi olmuş “Çelsi” İngiltərə Premyer Liqasında növbəti qələbəsini qazanıb
Bakı, 2 dekabr, AZƏRTAC
UEFA Çempionlar Liqasının qrup mərhələsində Ağdamın “Qarabağ” komandasının rəqibi olmuş “Çelsi” İngiltərə Premyer Liqasının 15-ci turunda öz meydanında “Nyukasl Yunayted”la qarşılaşıb.
AZƏRTAC xəbər verir ki, oyun 3:1 hesabı ilə “Çelsi”nin xeyrinə başa çatıb.
Ev sahiblərinin heyətində oyunun 21-ci və 74-cü dəqiqələrində Eden Azar dubl edib. Daha bir qolu Alvaro Morata (33-cü dəqiqə) vurub. “Nyukasl”ın oyundakı yeganə qoluna 12-ci dəqiqədə Duayt Qeyl imza atıb.
Hazırda on beş oyundan 32 xal toplayan “Çelsi” turnir cədvəlində “Mançester Yunayted”lə ikinci-üçüncü yerləri bölüşür.
Bu gün futbol azarkeşlərini daha bir maraqlı oyun gözləyir. “Arsenal” komandası Londonda “Mançester Yunayted”i qəbul edəcək. Oyun Bakı vaxtı ilə saat 21:30-da başlayacaq.
Xatırladaq ki, on dörd oyundan 40 xal toplayan “Mançester Siti” komandası İngiltərə Premyer Liqasında liderlik edir. “Şəhərlilər” turnir cədvəlində ən yaxın rəqibi olan “Mançester Yunayted”dən səkkiz xal irəlidədir.
Bölmənin digər xəbərləri
