Qaradağ rayonunda ağacəkmə aksiyası keçirilmişdir
Bakı, 27 aprel (AZƏRTAC). Respublikamızda ekoloji vəziyyətin daha da yaxşılaşdırılması istiqamətində dövlətimizin başçısı tərəfindən həyata keçirilən irimiqyaslı layihələr və görülən işlər paytaxtımızı da gözəl məkana çevirir.
Qaradağ rayonunda da yeni ağacların əkilməsi və abadlıq işlərinin aparılması işləri böyük vüsət almışdır. Ümummilli lider Heydər Əliyevin anadan olmasının 88-ci ildönümü münasibətilə keçirilmiş növbəti ağacəkmə aksiyasında Qaradağ Rayon İcra Hakimiyyətinin (RİH), idarə, müəssisə və təşkilatların nümayəndələri, sakinlər fəal iştirak etmişlər.
Qaradağ RİH-dən AZƏRTAC-a bildirmişlər ki, xeyirxah aksiya zamanı 11 qəsəbənin ərazisində və Bakı-Qazax (Astara) avtomagistralın rayon ərazisindən keçən hissəsində 5 mindən artıq müxtəlif ağac və bəzək kolları əkilmiş, minlərlə ağaca qulluq edilmiş, ərazilər məişət tullantılarından təmizlənmişdir.
Bölmənin digər xəbərləri
