Qaradağda növbəti ağacəkmə aksiyası
Bakı, 21 noyabr, AZƏRTAC
Noyabrın 21-də Qaradağ Rayon İcra Hakimiyyətinin təşəbbüsü ilə növbəti yaşıllaşdırma aksiyası keçirilib.
Rayon icra hakimiyyətinin başçısı Süleyman Mikayılovun iştirak etdiyi aksiyada Bakı-Ələt (Astara) magistral avtomobil yolunun kənarında 800 ədəd şam, kiparis və müxtəlif növ ağac əkilib.
Xatırladaq ki, bu ilin martında ölkəmizin bütün guşələrində Heydər Əliyev Fondunun vitse-prezidenti, IDEA İctimai Birliyinin təsisçisi Leyla Əliyevanın “Ümumrespublika yaşıllaşdırma” layihəsi çərçivəsində ağacəkmə kampaniyasına start verilib. Qaradağın bütün qəsəbələrində yerli iqlim şəraitinə uyğun həmişəyaşıl ağaclar əkilib.
Kampaniya çərçivəsində əkilən ağacların qorunması üçün müasir suvarma sistemi qurularaq aqrotexniki qulluq göstərilir.
“Ümumrespublika yaşıllaşdırma” marafonu çərçivəsində rayonun bütün qəsəbələrində, eləcə də Bakı-Ələt (Astara) magistral avtomobil yolu boyunca ağacəkmə kampaniyası davam edəcək.
Bölmənin digər xəbərləri
