QARATƏPƏ KƏNDİNDƏ REGİONAL LOGİSTİK GÜBRƏ ANBARININ TİKİNTİSİ SÜRƏTLƏNMİŞDİR
Sabirabad, 21 sentyabr (AZƏRTAC). "Aqrolizinq" Açıq Səhmdar Cəmiyyətinin sifarişi ilə Sabirabad rayonunun Qaratəpə kəndində inşa edilən və tutumu 12 min ton olan regional logistik gübrə anbarının tikintisində layihədə nəzərdə tutulan işlərin 60 faizə qədəri yerinə yetirilmişdir.
Son günlər inşaat sahəsinə əlavə işçi qüvvəsi və texnika cəlb edilməsi sayəsində işlər xeyli sürətləndirilmişdir. Bu ilin axırınadək istifadəyə veriləcək anbarda müxtəlif növ gübrələr saxlanılacaq, bölüşdürülüb istifadəçilərə çatdırılacaqdır.
Sonrakı mərhələdə xidmət sahəsinin genişləndirilməsi üçün əlavə yardımçı binaların inşası da nəzərdə tutulur.
Bölmənin digər xəbərləri
