QAXDA FINDIQ YIĞIMI DAVAM EDİR
Qax, 2 sentyabr (AZƏRTAC). Qax Rayon İcra Hakimiyyətindən bildirmişlər ki, rayonun fındıq bağlarında məhsul yığımının qızğın çağıdır.
İndiyədək bağlardan 800 tona yaxın məhsul yığılmışdır. Bu il rayonda fındıq istehsalının 3 min tondan artıq olacağı gözlənilir.
Qeyd edək ki, 2008-ci ildə bağlardan 2.671 ton məhsul toplanmışdır.
Hazırda rayonda mövcud 3.944 hektar fındıq bağının 3.764 hektarını məhsuldar bağlar təşkil edir. Fındıqçılıq kənd əhalisinin əsas məşğuliyyət sahələrindən biri hesab olunur. Rayonda bir neçə fındıq emalı müəssisəsi fəaliyyət göstərir.
Bölmənin digər xəbərləri
