Qazaxın Kosalar kənd körpələr evi-uşaq bağçası əsaslı təmir olunur
Qazax, 23 sentyabr, Rauf Hacıyev, AZƏRTAC
Respublikamızın bütün bölgələrində olduğu kimi, Qazax rayonunda da təhsil infrastrukturunun müasirləşdirilməsi və maddi-texniki bazasının zənginləşdirilməsi məqsədilə işlər davam etdirilir.
AZƏRTAC-ın bölgə müxbiri xəbər verir ki, bu gün Qazaxda mövcud olan 25 məktəbəqədər təhsil müəssisəsindən (6-sı şəhər, 19-u kənd üzrə) 20-si müasir tələblərə cavab verən səviyyəyə çatdırılıb.
Hazırda rayonun 35 yerlik Kosalar kənd 1 saylı körpələr evi-uşaq bağçası əsaslı təmir olunur. Yenidən qurulan bağçada, demək olar ki, əsas işlər görülüb. Binanın dam örtüyü vurulub, bütün otaqlara plastik pəncərələr qoyulub, suvaqaltı elektrik xətti çəkilib, xarici və daxili fasadda suvaq işləri yekunlaşıb. Hazırda binanın tavanı vurulur. Bütün işlərin yaxın vaxtda yekunlaşacağı nəzərdə tutulub.
Bölmənin digər xəbərləri
