QAZAXISTANDA SARMAT MƏZARI AŞKAR OLUNMUŞDUR
Sarmatların Yunanıstanla sıx əlaqələri olduğu barədə Qazaxıstan alimlərinin fərziyyələri təsdiqlənmişdir. Qədim sarmatların ətir saxladıqları qabın tapılması buna dəlalət edir.
Marat Kasenov demişdir: “Buradakı hər bir əşya əsil sənət əsəridir. Biz bir daha əmin olduq ki, sarmatlar gözəl sənətkarlar olmuşlar”. Məzarda xəncər, böyük amfora, tunc güzgü, əqiq boyunbağı, ilk dəfə metal qaşıq da aşkar olunmuşdur.
Kasenov demişdir ki, arxeoloqlara hazırda ucqar bölgədə qum qatının altında qalan daha 12 sarmat kurqanının yeri də məlumdur.
Sarmatlar irandilli köçəri maldar tayfaların ümumi adıdır. IV əsrədək Tobol çayından Dunay çayınadək olan ərazidə yaşamış, Qara dənizyanı bölgədən skifləri sıxışdırıb çıxarmış, müasir Qazaxıstan ərazisinin qərbindəki ərazilərdə məskunlaşmışlar. “Sarmat” termininə ilk dəfə eramızdan əvvəl II əsrə aid antik mənbələrdə təsadüf edilir.
Bölmənin digər xəbərləri
