Qəbələdə Aprel şəhidinin ailəsi ziyarət edilib
Qəbələ, 20 mart, Mustafa Dadaşov, AZƏRTAC
Novruz bayramı münasibətilə Qəbələ Rayon İcra Hakimiyyətinin əməkdaşları 2016-cı ilin Aprel döyüşlərində şəhid olmuş Sahil Şirinovun ailəsini ziyarət edib, şəhidin ailəsinə bayram sovqatı çatdırıblar.
AZƏRTAC-ın bölgə müxbiri xəbər verir ki, görüşdə ölkəmizdə şəhid ailələrinə dövlət səviyyəsində göstərilən diqqət və qayğıdan bəhs olunub. Rayon icra hakimiyyəti başçısının müavini Ətayə Osmanova bildirib ki, Prezident, Ali Baş Komandan İlham Əliyev başda olmaqla, Azərbaycan hökuməti şəhid ailələrinin sosial qayğılarının təmin edilməsi üçün lazım olan bütün tədbirləri görür. Çıxış edənlər Vətən uğrunda canlarından keçən qəhrəman övladlarımızın qanının yerdə qalmayacağına, düşməndən amansız qisas alınacağına, torpaqlarımızın tezliklə işğaldan azad olunacağına əminliklərini ifadə ediblər.
Şəhidin ailə üzvləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya minnətdarlıqlarını bildiriblər.
Bölmənin digər xəbərləri
