“Qəbələ”nin 600-cü qolunu Feras Abu Akal vurub
Bakı, 4 aprel, AZƏRTAC
“Qəbələ” futbol klubu Premyer Liqada 600-cü qolu vurub. Bu, Azərbaycan Premyer Liqasının XXVIII turuna təsadüf edib.
AZƏRTAC kluba istinadla xəbər verir ki, “Sabah”la səfər oyununda (2:3) komandanın ikinci qoluna imza atan Feras Abu Akal yubiley topunun müəllifi olub. Premyer Liqada 2006-cı ildə debüt edən “qırmızı-qaralar” 600 qoldan 317-ni evdə, 283-nü səfərdə vurub.
“Qəbələ”nin ilk qolu 2006-cı ildə qeydə alınıb. Vüsal Qarayev İmişlidə “MKT-Araz”ın qapısına yol tapıb.
“Qəbələ”nin Premyer Liqada tarixi qolları:
Birinci qol - 2006-2007-ci il mövsümü
Vüsal Qarayev - 11.08.2006. “MKT-Araz” (İmişli) - “Gilan” (Qəbələ) - 4:1
100-cü qol - 2009-2010-cu il mövsümü
Kənan Kərimov - 09.02.2010. “Qəbələ” - “Turan” (Tovuz) - 1:0
200-cü qol - 2012-2013-cü il mövsümü
Lourival Assis - 03.11.2012. “Qəbələ” - “Neftçi” (Bakı) - 2:1
300-cü qol - 2014-2015-ci il mövsümü
Viktor Mendi - 05.04.2015. AZAL (Bakı) - “Qəbələ” - 0:4
400-cü qol - 2016-2017-ci il mövsümü
Tellur Mütəllimov - 19.03.2017. AZAL (Bakı) - “Qəbələ” - 1:1
500-cü qol - 2019-2020-ci il mövsümü
Rövlan Muradov - 01.03.2020. “Zirə” - “Qəbələ” - 1:2
600-cü qol - 2022-2023-cü il mövsümü
Feras Abu Akal - 02.04.2023. “Sabah” - “Qəbələ” - 3:2.
Bölmənin digər xəbərləri
