Qətiyyətli, yenilməz şəxsiyyət olan Heydər Əliyevin həyatı gənclərimiz üçün əsl nümunədir
Bakı, 12 dekabr, Samirə Quliyeva, AZƏRTAC
Dekabrın 12-də ümummilli lider Heydər Əliyevə dərin ehtiramlarını bildirmək üçün Fəxri xiyabana gələnlər arasında gənclər çoxluq təşkil edirdi.
Azərbaycan Tələbə Gənclər Təşkilatları İttifaqı (ATGTİ) idarə heyətinin üzvü Məcid Musayev AZƏRTAC-a bildirib ki, müasir gənclik əsası Ulu Öndər tərəfindən qoyulmuş gənclər siyasətindən bəhrələnir. İstər sovetlər dönəmində, istərsə də müstəqillik illərində ümummilli lider Heydər Əliyev gənclərimizin xaricdə təhsil almaları üçün böyük təşəbbüslər göstərib. Gənclərin inkişafı Ulu Öndərin ən çox diqqət yetirdiyi sahələrdən idi. Qətiyyətli, yenilməz şəxsiyyət olan Heydər Əliyevin həyatı gənclərimiz üçün əsl nümunədir.
M.Musayev qeyd edib ki, ümummilli lider Heydər Əliyev respublikanın ictimai-siyasi həyatında, dövlət idarəçiliyində gənclərin daha fəal iştirakına xüsusi diqqət yetirib, gənclər siyasətinin məqsəd, prinsip və istiqamətlərini, təşkilati-hüquqi əsaslarını müəyyən edib.
Bölmənin digər xəbərləri
