QILINCOYNADAN YELENA JEMAYEVA AFİNADA MÜBARİZƏNİ DAYANDIRDI
Avqustun 17-də Afinada Olimpiya oyunlarında qadınlar arasında qılıncoynatma üzrə şəxsi birinciliyin ilk döyüşləri keçirilmişdir. Gənclər, İdman və Turizm Nazirliyinin informasiya mərkəzindən AZƏRTAC-ın müxbirinə bildirmişlər ki, həmin gün çıxış edən Yelena Jemayeva birinci turda braziliyalı Ellora Pattaroya 15:8 hesabı ilə qalib gəlmişdir. İkinci tur da (1/16 final) onun üçün uğurlu olmuşdur - idmançımız italiyalı Çiya Markotsa ilə döyüşdə 15:6 hesabı ilə qələbə qazanmışdır. Üçüncü turda Yelena Jemayeva amerikalı Mariel Zaqunislə görüşmüşdür. Döyüş ABŞ idmançısının xeyrinə qurtarmışdır – 15:11.
Bölmənin digər xəbərləri
