Qırğızıstan portalı Ermənistanın Gəncəni atəşə tutması barədə materiallar və fotolar verib
Bişkek, 11 oktyabr, AZƏRTAC
Qırğızıstanın “turktoday.info” portalı Ermənistanın humanitar atəşkəs rejimini pozaraq Gəncəni raket atəşinə tutması barədə AZƏRTAC-ın rus dilində materialını və bununla bağlı fotoları yerləşdirib.
AZƏRTAC xəbər verir ki, materiallarda Ermənistan silahlı qüvvələrinin Azərbaycanın yaşayış məntəqələrini intensiv atəşə tutması, yenidən dinc sakinləri hədəfə alması, işğalçı dövlətin beynəlxalq hüququn norma və prinsiplərini, 1949-cu il Cenevrə Konvensiyasını və onların Əlavə Protokollarını, həmçinin Moskvada keçirilmiş görüşün yekunu olaraq, razılaşdırılmış humanitar atəşkəs rejiminin tələblərini pozması haqqında məlumat verilib.
Gecə saatlarında erməni silahlı qüvvələrinin Gəncənin mərkəzi hissəsindəki çoxmənzilli yaşayış binasını raket atəşinə tutması nəticəsində 9 nəfər həlak olub, 34 nəfər yaralanıb. Bunun da 16 qadın, 6-sı azyaşlı uşaqdır.
Qeyd edilir ki, bundan başqa 10-dan artıq çoxmənzilli binaya və 100-dən çox müxtəlif təyinatlı obyektə ziyan dəyib.
Portalda materiallara əlavə olaraq AZƏRTAC-ın 27 fotosu da verilib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
