Qız basketbolçulardan ibarət millimiz Avropa çempionatında mübarizəyə Andorra ilə oyunla başlayacaq
Bakı, 17 iyul, AZƏRTAC
Andorrada 16 yaşadək qız basketbolçular arasında Avropa çempionatının C divizionunun oyunları keçiriləcək.
Bu barədə AZƏRTAC-a Azərbaycan Basketbol Federasiyasından məlumat verilib.
B qrupunda yer alan millimiz Andorra, Albaniya və Moldova yığmalarına qarşı mübarizə aparacaq.
Türk mütəxəssis Evren Alkayanın rəhbərlik etdiyi millimiz qrupda ilk oyununu iyulun 18-də Bakı vaxtı ilə saat 21:30-da Andorra yığmasına qarşı keçirəcək.
Qeyd edək ki, Avropa çempionatının bütün oyunları Beynəlxalq Basketbol Federasiyasının rəsmi yutub hesabında canlı yayımlanacaq.
Bölmənin digər xəbərləri
