Rəqəmsal inkişaf və nəqliyyat naziri Şabranda vətəndaşlarla görüşəcək
Bakı, 20 avqust, AZƏRTAC
Rəqəmsal inkişaf və nəqliyyat naziri Rəşad Nəbiyev avqustun 29-da Şabran rayonunda yerləşən Heydər Əliyev Mərkəzində vətəndaş qəbulu keçirəcək.
Nazirlikdən AZƏRTAC-a bildirilib ki, qəbulda Şabran, Siyəzən, Xızı rayonları və Sumqayıt şəhərinin sakinləri iştirak edəcəklər. Nazir bu bölgələrdə göstərilən nəqliyyat, telekommunikasiya, o cümlədən internet, teleradio yayımı və poçt xidmətləri sahəsində əhalini maraqlandıran məsələlərlə bağlı sakinləri dinləyəcək.
Qəbula avqustun 28-dək Rəqəmsal İnkişaf və Nəqliyyat Nazirliyinin Çağrı mərkəzi (1655) və elektron poçtu ([email protected]), 010 250 48 48 və 012 598 58 58 (daxili 222 və 290) nömrəli telefonlar vasitəsilə yazılmaq mümkündür.
Qeyd edək ki, qəbul mərkəzi icra hakimiyyəti orqanları və digər idarəetmə qurumları rəhbərlərinin şəhər və rayonlarda avqust ayı üzrə vətəndaşların qəbulu cədvəlinə əsasən həyata keçiriləcək.
Bölmənin digər xəbərləri
