RESPUBLİKADA APARILAN TİKİNTİ İŞLƏRİNİN HƏCMİ ARTMIŞDIR
AZƏRTAC Dövlət Statistika Komitəsinə istinadla xəbər verir ki, bu ilin yanvar-fevral aylarında tikinti müəssisələri tərəfindən yerinə yetirilmiş inşaat işlərinin həcmi 665,5 milyard manat olmuşdur. Bu da keçən ilin müvafiq dövrü ilə müqayisədə 58 faiz çoxdur. Görülmüş işlərin böyük hissəsini yeni tikinti, yenidənqurma və genişləndirmə, əsaslı, cari təmir və sair təşkil etmişdir.
Həmin dövrdə qeyri-dövlət mülkiyyətinə məxsus tikinti müəssisələrinin yerinə yetirdikləri işlərin həcmi 470 milyard manat (70,6 faiz), dövlət sektoruna aid tikinti sahələrinin gördüyü işlərin həcmi isə 196 milyard manat (29,4 faiz) olmuşdur.
Bölmənin digər xəbərləri
