Rubio: Rusiya-Ukrayna münaqişəsinə son qoymağın ən yaxşı yolu tam sülh sazişindən keçir
Vaşinqton, 16 avqust , AZƏRTAC
Tramp-Putin sammitindən sonra atəşkəs məsələsi masadan götürülməyib.
AZƏRTAC xəbər verir ki, bu sözləri ABŞ Dövlət katibi Marko Rubio deyib.
O bildirib ki, bu münaqişəyə son qoymağın ən yaxşı yolu isə tam sülh sazişindən keçir.
“Buna heç bir şübhə yoxdur. Məncə, bu, müharibəni bitirməyin ən yaxşı yoludur. Biz bunu müdafiə etmişik. Təəssüf ki, ruslar indiyədək bununla razılaşmayıblar. Ancaq burada hədəflədiyimiz məsələ atəşkəs deyil. Nəticə etibarilə məqsəd bu müharibəyə son qoymaqdır”, - deyə Rubio əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
