RUSİYADA YAŞAYAN AZƏRBAYCANLILARA YARADILMIŞ ŞƏRAİT RƏSMİ BAKINI QANE EDİR
Bu sözləri Milli Məclisin sədri Murtuz Ələsgərov AZƏRTAC-ın müxbiri ilə söhbətində demişdir. Parlamentin rəhbərinin sözlərinə görə, hazırda Rusiyanın müxtəlif bölgələrində yaşayan soydaşlarımız üçün hər cür şərait yaradılmışdır. Bəzi kriminal ünsürləri nəzərə almasaq, Rusiyanın rəsmi dairələrində soydaşlarımıza inam böyükdür. İndi azərbaycanlılar da siyasi hakimiyyət uğrunda gedən proseslərdə iştirak edirlər. Düzdür, hələlik elə bir nailiyyət qazanılmayıb, amma ümidvarıq ki, gələcəkdə soydaşlarımız Rusiya Dövlət Dumasında təmsil olunacaqlar. Buna imkan vardır. Azərbaycan hökuməti, xüsusən də Milli Məclis bu işdə soydaşlarımıza hər cür kömək göstərəcək.
Bölmənin digər xəbərləri
