“Sabah” qəzeti: Ərdoğan kimi, Tramp da regionda hərbi qarşıdurma cəbhələrinin yaranmasına qarşıdır
Ankara, 7 avqust, AZƏRTAC
ABŞ Prezidenti Donald Tramp türkiyəli həmkarı Rəcəb Tayyib Ərdoğan kimi, iqtisadi inteqrasiyaya və ziddiyyətlərin həlli üçün diplomatik kanallara arxalanaraq, regionda hərbi qarşıdurma cəbhələrinin yaranmasına qarşı çıxış edir.
AZƏRTAC xəbər verir ki, bu barədə Türkiyənin “Sabah” qəzeti yazır.
Nəşr Türkiyənin həm Cənubi Qafqaz regionunda, həm də Yaxın Şərqdə ABŞ Prezidenti Donald Tramp administrasiyasının əvəzedilməz geosiyasi tərəfdaşı olduğunu qeyd etməklə yanaşı, Ankara ilə Bakı arasındakı strateji müttəfiqliyə, eləcə də regionda münasibətlərin normallaşması yolunda Türkiyənin Ermənistanla təmaslarına diqqət çəkir.
“Türkiyə Prezidenti Rəcəb Tayyib Ərdoğanın siyasəti regionda tarazlığın təmin edilməsinə mühüm töhfə verir. Ankara digərləri ilə yanaşı, Vaşinqton üçün eskalasiyanı azaltmaq üçün nadir kanallardan biridir”, -yazan qəzet Tramp administrasiyasının Tehranla münaqişənin qaynar fazasına başlamaq planına qarşı olduğunu qeyd edir.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
