Sabunçuda qəsdən adam öldürməkdə şübhəli bilinən şəxs tutulub
Bakı, 4 mart, AZƏRTAC
Martın 3-də paytaxtın Sabunçu rayonu ərazisində 1980-ci il təvəllüdlü Zəfər Məmmədovun üzərində kəsilmiş-deşilmiş xəsarətlər olan meyitinin aşkar edilməsi faktı ilə bağlı rayon prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanaraq istintaq aparılır.
AZƏRTAC xəbər verir ki, bu barədə Baş Prokurorluğun mətbuat xidmətindən sorğulara verilən cavabda bildirilib.
Qeyd olunub ki, ilkin araşdırmalarla cinayətin Hüseyn Həsənov tərəfindən törədilməsinə əsaslı şübhələr müəyyən edildiyindən o, prokurorluq tərəfindən iş üzrə şübhəli şəxs qismində tutulub.
Bölmənin digər xəbərləri
