Şamil Ayrım: Ermənilərin dinc insanları atəşə tutması vəhşilikdir
Bakı, 8 oktyabr, AZƏRTAC
Quldur Ermənistan Azərbaycan torpaqlarından çıxmalıdır. Əks halda, Azərbaycan öz torpaqlarını işğaldan azad etmək üçün sonadək mübarizə aparacaq.
AZƏRTAC xəbər verir ki, bu fikirləri Türkiyə Böyük Millət Məclisinin Türkiyə-Azərbaycan dostluq qrupunun rəhbəri Şamil Ayrım Yeni Azərbaycan Partiyası ilə Ədalət və İnkişaf Partiyasının (AKP) birgə keçirdiyi videokonfransda deyib.
Şamil Ayrım bildirib ki, hazırkı şəraitdə Azərbaycanda müşahidə olunan milli birlik qürurvericidir. Bu birlik sayəsində Azərbaycan xalqı öz torpaqlarını işğaldan azad edəcək və bu məsələdə Türkiyə daim qardaş ölkənin yanındadır.
Şamil Ayrım bu günlərdə Türkiyənin Xarici İşlər naziri ilə birlikdə Azərbaycan Prezidenti İlham Əliyevin qəbulunda olduğunu deyib və bu görüşlə bağlı təəssüratlarını bölüşüb. O, həmçinin hər gün azərbaycanlı həmkarları ilə əlaqə saxlayaraq, cəbhədəki vəziyyətlə maraqlandığını söyləyib. “Ermənilərin dinc insanları atəşə tutması vəhşilikdir”, - deyən Şamil Ayrım qələbənin Azərbaycanla olacağına əminliyini ifadə edib.
Bölmənin digər xəbərləri
