Samir Vəliyev: Enerji Effektivliyi Fondunun yaradılması prosesi tamamlanmaq üzrədir
Bakı, 23 aprel, AZƏRTAC
Energetika sahəsində bir neçə qanun layihəsi hazırlanıb və hazırda müxtəlif mərhələlərdə razılaşdırma prosesindədir.
AZƏRTAC xəbər verir ki, bunu Milli Məclisin Təbii ehtiyatlar, energetika və ekologiya komitəsinin bu gün keçirilən iclasında energetika nazirinin müavini Samir Vəliyev deyib.
O bildirib ki, yeni qanunların qəbulu beynəlxalq təcrübədə geniş yayılmış və müasir çağırışları özündə ehtiva edən normaların ölkəmizdə tətbiqinə imkan verir ki, bu da qısa müddət ərzində müvafiq sahələr üzrə əməli nəticələrin əldə edilməsinə imkan yaradır.
“Xüsusilə, bərpaolunan enerji mənbələrindən istifadə sahəsində yüksək nəticələr əldə edilməkdədir. Artıq Enerji Effektivliyi Fondunun yaradılması prosesi tamamlanmaq üzrədir. Yaxın vaxtlarda bu fond vasitəsilə müvafiq tədbirlər görülməsinə başlanılacaq”, - deyə nazir müavini əlavə edib.
Bölmənin digər xəbərləri
