Sədr müavini: Birlikdə Mərkəzi Avrasiyanı regional kosmik gücə çevirə bilərik
Bakı, 25 aprel, AZƏRTAC
İnanıram ki, siyasətçilər, kosmik agentliklər, sənaye, akademik institutlarla birlikdə biz daha inkişaf etmiş kosmik ekosistem quracağıq. Biz birlikdə Mərkəzi Avrasiyanı regional kosmik gücə çevirə bilərik.
AZƏRTAC xəbər verir ki, bunu “Azərkosmos”un sədr müavini Fuad Aslanov Bakıda keçirilən Kosmik Texnologiyalar Konfransının (STC2025) panel sessiyasında çıxışı zamanı bildirib.
“Bugünkü sessiyalar daha çox Yerin müşahidəsi, telekommunikasiya ilə bağlı son inkişaflar və texnologiyalara yönəldiləcək. Həmçinin biz kosmik sektordakı yenilikləri, milli kosmik proqramları dəstəkləmək üçün lazım olan investisiyaları müzakirə edəcəyik. Beynəlxalq tərəfdaşlarla əməkdaşlığın nə qədər vacib olduğunu bilirik və biz də öz təcrübəmizi bölüşə biləcəyimizə inanırıq”, - deyə F.Aslanov əlavə edib.
Bölmənin digər xəbərləri
