Səfir: Vışeqrad Qrupu ölkələrindən 80 investor Azərbaycana sərmayə qoymaq istəyir
Bakı, 16 dekabr, AZƏRTAC
Bu gün biz yarım il ərzində görülmüş işləri qiymətləndiririk. Bu, Vışeqrad Qrupu ölkələri - Polşa, Serbiya, Slovakiya və Macarıstanın innovativ texnoloji şirkətlərini Azərbaycanın investorları və inkişaf etmək istəyən şirkətlər ilə birləşdirən nadir layihədir.
Bu fikirləri innovasiyalar mövzusunda keçirilən Polşa-Azərbaycan seminarında iştirak edən Polşanın Azərbaycandakı səfiri Rafal Poborski AZƏRTAC-a müsahibəsində bildirib.
“Vışeqrad Qrupundan olan tərəfdaşlarla layihənin Beynəlxalq Vışeqrad Fondu tərəfindən maliyyələşdirilməsinə nail olduq. Buna görə bu gün belə vacib tədbirdə iştirak edirik. Bu, əlbəttə ki, bizim son görüşümüz deyil. Vışeqrad Qrupu ölkələrindən 80 investor Azərbaycanda innovativ texnologiyalarına sərmayə qoymaq istəyir. İnnovativ texnologiyalar və startapların inkişafı ilə bağlı olan bu layihə bizim təcrübəmiz üzərində qurulub. Beş ölkə beş innovativ şirkət gələcəyi qurmaq üçün əməkdaşlıq edir”, - deyə Polşa diplomatı əlavə edib.
Bölmənin digər xəbərləri
