Səfir: WUF13 ölkələrimiz üçün fundamental əhəmiyyət kəsb edir
Bakı, 21 may, AZƏRTAC
WUF13 fikir mübadiləsi aparmaq üçün ideal platformadır. Bu məkanı yaratdıqları üçün Azərbaycan Hökumətinə və bütün təşkilatçılara təşəkkür etmək istəyirəm. Bu, ölkələrimiz üçün fundamental əhəmiyyət kəsb edir.
AZƏRTAC xəbər verir ki, bunu Bakıda Ümumdünya Şəhərsalma Forumunun 13-cü Sessiyası (WUF13) çərçivəsində keçirilən Cənub-Cənub və Üçbucaqlı Əməkdaşlıq vasitəsilə Təhlükəsiz və Dayanıqlı Şəhərlər və İcmaların Qurulması üzrə Regionlararası Dialoqda Kolumbiyanın Azərbaycandakı səfiri Nelsi Rakel Munar Xaramiyon deyib.
O qeyd edib ki, forumun Qlobal Cənubun reallıqlarına, potensialına və təcrübələrinə əsaslanaraq daha təhlükəsiz, dözümlü, inklüziv və davamlı şəhərləri inşa etməyin yolları barədə düşünmək üçün imkan yaratması çox dəyərlidir.
“Kolumbiya üçün bu müzakirə xüsusilə böyük məna kəsb edir. Çünki Qlobal Cənubdakı şəhərlər ortaq çağırışlarla üzləşirlər. Bütün bu çağırışlar regional səviyyədə kəsişir və insanların həyatına birbaşa təsir göstərir. Buna görə də, cavab tədbirləri pərakəndə ola bilməz və ya yalnız idarəetmənin tək bir səviyyəsindən dizayn edilə bilməz”.
Bölmənin digər xəbərləri
