AZƏRTAC-ın müxbiri xəbər verir ki, Bakı Olimpiya İdman Kompleksində Azərbaycanın Milli Qəhrəmanı, idman ustası, əməkdar məşqçi Əliyar Əliyevin xatirəsinə həsr edilmiş yunan-Roma güləşi üzrə respublika turniri keçirilmişdir. Yarışların startı verilməzdən əvvəl qəhrəmanın şərəfli ömür yolundan danışılmış, xatirəsi hörmətlə yad edilmişdir.

İki gün davam edən turnirdə respublikamızın 35 şəhər və rayonunu, klublarını təmsil edən 300-dən çox idmançı müxtəlif çəki dərəcələrində öz gücünü sınamışdır. Qaliblərə “Zamin” kommersiya bankının hədiyyələri təqdim olunmuşdur.