ŞƏHİDİN XATİRƏSİNƏ HƏSR EDİLMİŞ ZONA YARIŞI KEÇİRİLMİŞDİR
AZƏRTAC-ın müxbiri xəbər verir ki, Samux rayonunda şəhid Sərhəddin Əliyevin xatirəsinə həsr olunmuş sərbəst güləş üzrə zona yarışı keçirilmişdir. Gəncə, Samux, Mingəçevir, Yevlax və s. rayonlardan gəlmiş 70-ə yaxın idmançı ümummilli liderimiz Heydər Əliyevin adını daşıyan parkda dahi öndərin əzəmətli portreti önünə tər çiçək dəstələri düzmüşlər.
Sərhəddin Əliyevin məzarı ziyarət edildikdən sonra təntənəli açılış mərasimi olmuşdur. Çıxış edənlər Azərbaycan idmanının inkişafından, bu sahəyə dövlət qayğısından danışmışlar. Güləşçilər müxtəlif çəki dərəcələrində güclərini sınamışlar. Qaliblərə qiymətli hədiyyələr və diplomlar verilmişdir.
Bölmənin digər xəbərləri
