Şəki Meşə Mühafizəsi və Bərpası Müəssisəsinin Küncüt meşəbəyliyində yanğın baş verib
Bakı, 24 avqust, AZƏRTAC
Avqustun 24-də Şəki Meşə Mühafizəsi və Bərpası Müəssisəsinin Küncüt meşəbəyliyinin 2 saylı meşə dolayının tinglik ərazisində yanğın baş verib.
Ekologiya və Təbii Sərvətlər Nazirliyinin (ETSN) mətbuat xidmətindən AZƏRTAC-a bildirilib ki, bələdiyyə torpaqlarında başlayan yanğın güclü külək nəticəsində meşə ərazisinə keçib.
Yanğının söndürülməsi üçün ETSN-in və Fövqəladə Hallar Nazirliyinin yerli qurumlarının əməkdaşları dərhal əraziyə cəlb olunub.
Yanğın zamanı, əsasən quru kol və ot örtüyünə ziyan dəyib.
Hazırda yanğının söndürülməsi istiqamətində operativ tədbirlər davam etdirilir.
Bölmənin digər xəbərləri
