“ŞƏMKİR” ÖZ MEYDANÇASINDA 1-4 HESABI İLƏ MƏĞLUB OLDU

29.07.2004 [22:33]
Çap et
A⁺ A^-

Ölkə çempionatının gümüş medalçısı “Şəmkir” futbol komandası iyulun 29-da öz meydançasında Tbilisinin adını daşıyan komandasını qəbul etmişdir. Xatırladaq ki, ilk görüş Gürcüstan paytaxtında “Tbilisi”nin xeyrinə 1-0 hesabı ilə başa çatmışdı. Növbəti mərhələyə adlamaq üçün şəmkirlilər rəqib qapısından azı iki top keçirməli idilər. Oyunun ilk dəqiqələrindən üstünlüyü əldə edərək qonaqların qapısı qarşısında bir neçə dəfə qol vəziyyəti yaradan Şəmkir futbolçuları təəssüf ki, bu imkanlardan istifadə edə bilmədilər.

Tədricən üstünlüyü ələ alan Gürcüstan futbolçuları 26-cı dəqiqədə hesabı açdılar. Birinci hissənin sonunadək hesab dəyişmədi.

İkinci hissəyə ümid bəsləyən yerli azarkeşləri gürcü futbolçuları yenidən məyus etdilər. Sürətli oyun nümayiş etdirən qonaqlar bir-birinin ardınca daha 3 top vurdular. Ancaq görüşün başa çatmasına bir neçə dəqiqə qalmış “Şəmkir”in 9 nömrəli oyunçusu Paşa Əliyev qol vəziyyətindən istifadə etdi. Beləliklə, gərgin idman mübarizəsi şəraitində keçən görüş 1-4 hesabı ilə “Tbilisi”nin xeyrinə başa çatdı.

“ŞƏMKİR” ÖZ MEYDANÇASINDA 1-4 HESABI İLƏ MƏĞLUB OLDU

MÜƏLLİFLƏ ƏLAQƏ

Bölmənin digər xəbərləri