Şəmkirdə şənlik mərasimində pandemiya dövrünün tələbləri pozulub
Bakı, 15 oktyabr, AZƏRTAC
Qida Təhlükəsizliyi Agentliyi pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində aidiyyəti dövlət orqanları ilə birgə reydləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Şəmkir rayonunun Kür qəsəbəsində M.Hüseynzadə küçəsi, ev 9 ünvanında fiziki şəxs Əlnağıyev Araz Fərmayıl oğluna məxsus “Ayşən” şadlıq sarayında yoxlama aparılıb.
Yoxlama zamanı işçi heyətin bəzilərinin tibbi maska, əlcək və digər fərdi qoruyucu vasitələrdən istifadə etmədiyi məlum olub. Aşkar olunmuş pozuntularla bağlı müəssisənin rəhbərliyi inzibati məsuliyyətə cəlb olunub.
Bölmənin digər xəbərləri
