Səudiyyə Ərəbistanı 25-ci Asiya Fizika Olimpiadasına ev sahibliyi edəcək
Qahirə, 25 aprel, AZƏRTAC
Mayın 4-dən 12-dək Səudiyyə Ərəbistanı Krallığının Zahran şəhərində 25-ci Asiya Fizika Olimpiadası (APhO) keçiriləcək. Bilik yarışında 30 Asiya ölkəsini təmsil edən 240 şagirdin iştirakı gözlənilir.
AZƏRTAC “Ukaz” qəzetinə istinadla xəbər verir ki, tədbirin təşkilatçıları Səudiyyə Ərəbistanı Təhsil Nazirliyi, Kral Əbdüləziz İstedad və Yaradıcılıq Fondu, Kral Fəhd Neft və Mineralogiya Universitetidir.
Asiya Fizika Olimpiadası istedadlı orta məktəb şagirdləri üçün nəzərdə tutulmuş ən nüfuzlu beynəlxalq elm müsabiqələrindən biridir.
Olimpiadanın ilk buraxılışı 1999-cu ildə İndoneziyada 12 ölkənin iştirakı ilə keçirilib. Tələbələrin bu olimpiadaya namizədliyi onların nəzəri və praktik təlim düşərgələrində topladıqları nəticələrə əsasən mərhələli şəkildə müəyyən edilir. Dördüncü səviyyədə intensiv təlim zamanı imtahanlar keçirilir və iştirak edəcək komanda formalaşdırılır.
Qeyd edək ki, Krallıq 2024-cü ilin iyul ayında 90 ölkədən 333 şagirdin iştirakı ilə 56-cı Beynəlxalq Kimya Olimpiadasına da ev sahibliyi etmişdir.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
