Si Cinpin və Vladimir Putin Yaxın Şərqdəki vəziyyəti müzakirə ediblər
Pekin, 29 iyun, AZƏRTAC
Çin Xalq Respublikasının Sədri Si Cinpin iyunun 19-da Rusiya Prezidenti Vladimir Putin ilə telefon danışığı zamanı Yaxın Şərqdəki gərginliyi müzakirə edib.
AZƏRTAC xəbər verir ki, Sədr Si Cinpin atəşkəsin təcili prioritet olduğunu, gücdən istifadənin beynəlxalq mübahisələri həll etmək üçün düzgün yol olmadığını bildirib. O, münaqişə tərəflərini atəşi mümkün qədər tez dayandırmağa çağırıb.
Çin lideri İran-İsrail gərginliyi şəraitində əsas prioritetin mülki əhalinin təhlükəsizliyini qorumaq olduğunu vurğulayıb, münaqişə tərəflərini beynəlxalq qanunlara ciddi əməl etməyə, günahsız mülki şəxslərə zərər verməkdən qəti şəkildə çəkinməyə çağırıb, beynəlxalq ictimaiyyətin vəziyyəti sakitləşdirmək üçün səy göstərməli olduğunu deyib.
AZƏRTAC-ın xüsusi müxbiri
Pekin
Bölmənin digər xəbərləri
