Sloveniya Prezidenti: Azərbaycanla əlaqələrinin yüksələn xətlə inkişafından məmnunluq duyuruq
Strasburq, 21 iyun, AZERTAC,
Avropa Şurası Parlament Assambleyasının (AŞPA) yay sessiyasının 3-cü günü Sloveniya Prezidenti Nataşa Pirç Musarın çıxışı ilə başlayıb.
AZƏRTAC xəbər verir ki, Sloveniya Prezidentinin çıxışından sonra avropalı parlamentarilər ona suallarla müraciət ediblər.
Suallara cavabında Sloveniya Prezidenti Azərbaycanla ölkəsi arasında əlaqələrin yüksələn xətlə inkişafından məmnunluq duyduğunu bildirərək deyib: “Sloveniyada partizan Mixayloya ucalan abidə, yaradılmış muzey dostluğumuzun rəmzidir. Tariximizdə xalqlarımızı birləşdirən belə mötəbər körpülərin olması sevindiricidir. Təbii ki, tarixi dostluq ənənələrimiz gələcəyimiz üçün geniş perspektivlər açır. Azərbaycanla bütün sahələr üzrə əməkdaşlıq üçün geniş imkanlarımız var, bu imkanlardan uğurla istifadə edilir, düşünürəm ki, gələcəkdə bu istiqamətdə səylər daha da artırılacaqdır”.
Şəhla Ağalarova
AZƏRTAC-ın xüsusi müxbiri
Strasburq
Bölmənin digər xəbərləri
