“SOCAR Methanol” yanvar-fevral aylarında istehsalı ikiqat artırıb
Bakı, 27 mart, AZƏRTAC
“SOCAR Methanol” MMC bu ilin yanvar–fevral aylarında 94,9 min ton metanol istehsal edib ki, bu da ötən ilin analoji dövrünün göstəricisindən iki dəfə çoxdur.
AZƏRTAC-a Dövlət Statistika Komitəsindən bildirilib ki, cari ilin 1 mart tarixinə müəssisənin anbarlarında 22,3 min ton hazır məhsul mövcuddur.
Ötən il “SOCAR Methanol” MMC 494,6 min ton metanol istehsal edib və, 89 milyon 858,38 min dollar dəyərində 501 min 571,52 tonluq metanol ixrac edib.
Bakının Qaradağ rayonundakı Metanol zavodu “AzMeCo” şirkəti tərəfindən inşa edilib. “AzMeCo”nun zavodun tikintisi üzrə investisiyası 500 milyon dollar təşkil edib. Zavodun istehsal gücü ildə 720 min ton metil spirtidir.
Bölmənin digər xəbərləri
