Son dörd ayda əlilliyi olan şəxslərə 44,5 min reabilitasiya vasitəsi verilib
Bakı, 19 may, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən bu ilin 4 ayı ərzində əlilliyi olan şəxslərə 44,5 min reabilitasiya vasitəsi verilib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 3,5 mindən çoxu təkərli oturacaq (o cümlədən 39-u mühərrikli təkərli oturacaq), 897-si aşağı və yuxarı ətraf protezi, 2 mindən çoxu əsa, qoltuqaltı və dirsəkaltı ağac olub.
Həmçinin əlilliyi olan şəxslərə 3,3 min cüt protez və ortopedik ayaqqabı, 500-dən çox eşitmə aparatı, korset və digər reabilitasiya vasitələri təqdim olunub.
Bölmənin digər xəbərləri
