Son sutka ərzində Gürcüstanda üç zəlzələ baş verib
Tbilisi, 19 iyul, AZƏRTAC
İyulun 19-da gecə saatlarında Gürcüstan ərazisində iki zəlzələ baş verib.
AZƏRTAC xəbər verir ki, bu barədə Gürcüstan Milli Seysmik Monitorinq Mərkəzi məlumat yayıb.
Tbilisi vaxtı ilə saat 02:38-də baş verən birinci zəlzələ 3,2 bal gücündə olub. Zəlzələnin episentri Kaxeti bölgəsinin Dedopliscğaro bələdiyyəsi ərazisində qeydə alınıb.
İkinci zəlzələ isə 04:54 radələrində qeydə alınıb. 3,1 bal gücündə olan zəlzələnin episentri Kvemo Kartli bölgəsinin Dmanisi bələdiyyəsi ərazisində olub.
Qeyd edək ki, iyulun 18-də saat 16:02-də qərbi Gürcüstanın Quriya bölgəsində də 3,6 bal gücündə zəlzələ qeydə alınmışdı.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
