Stolüstü tennis üzrə komanda yarışlarında qalib və mükafatçılar məlum olub
Bakı, 15 may, AZƏRTAC
Stolüstü tennis üzrə Azərbaycan çempionatı davam edir.
Azərbaycan Stolüstü Tennis Federasiyasından AZƏRTAC-a verilən məlumata görə, artıq komanda yarışlarında qalib və mükafatçılar məlum olub. Kişilərin mübarizəsi “Bakı-1” komandasının qələbəsi ilə yekunlaşıb. “Bakı-2” ikinci, “Bakı-3” və “Şabran” kollektivləri üçüncü yeri tutublar. Qadınların yarışından “Sumqayıt-1” qalib ayrılıb. “Bakı-1” ikinci, “Bakı-2” və “Sumqayıt-2” üçüncü pillədə qərarlaşıb. Çempionatın növbəti günlərində idmançılar şəxsi, qoşa və qarışıq-qoşa növlərdə bacarıqlarını göstərəcəklər.
Yarışa mayın 17-də yekun vurulacaq.
Bölmənin digər xəbərləri
