“Sumqayıt” futbol klubu hazırlıq proqramını Türkiyədə davam etdirəcək
Sumqayıt, 13 iyul, AZƏRTAC
Topaz Premyer Liqasının 2017/2018-ci illər mövsümü üçün çalışmalarını davam etdirən “Sumqayıt” futbol klubu hazırlıq prosesinin ilk mərhələsini başa vurub.
Klubun mətbuat xidmətindən AZƏRTAC-a bildirilib ki, komanda iyulun 12-də axşam “Kapital Bank Arena” stadionunda sonuncu məşqinə çıxıb.
Əsasən toplu çalışmalara üstünlük verən məşqçi Samir Abasovun planına əsasən, komanda iki gün istirahət edəcək.
“Sumqayıt” futbol klubu iyulun 15-də Türkiyəyə yola düşəcək və hazırlıq proqramını qardaş ölkədə davam etdirəcək.
Bölmənin digər xəbərləri
