Bu münasibətlə mərasim keçirilmişdir.

Mərasim iştirakçıları Azərbaycan xalqının böyük oğlu, ümummilli liderimiz, unudulmaz Prezident Heydər Əliyevin nurlu xatirəsini bir dəqiqəlik sükutla yad etmişlər.

Əmək və əhalinin sosial müdafiəsi naziri Əli Nağıyev, Sumqayıt Şəhər İcra Hakimiyyətinin başçısı Vaqif Əliyev, Şəhid Ailələri və Qarabağ Müharibəsi Əlilləri Cəmiyyətinin sədri Mehdi Mehdiyev və başqaları çıxış edərək, əfsanəvi Heydər Əliyev şəxsiyyətinin Azərbaycanın ən yeni tarixində rolunu vurğulayaraq, onun xeyirxah əməllərini və mühüm işlərini xatırladılar. Qeyd olundu ki, şəhid ailələrinin və Qarabağ müharibəsi əlillərinin problemləri həmişə Heydər Əliyevin diqqət mərkəzində olmuşdur. Məhz Heydər Əliyevin təşəbbüsü ilə 1997-ci ildə nazirlikdə gözəl ənənənin - bu təbəqədən olan insanlar üçün yeni evlərin hər il istifadəyə verilməsi ənənəsinin əsası qoyuldu. Artıq 720 belə ailə mənzillə təmin olunmuşdur. Daha bir yaşayış binasının istifadəyə verilməsi göstərdi ki, ümummilli liderimizin həyatdan getməsinə baxmayaraq, onun işi yaşayır, siyasi xətti uğurla davam etdirilir.

Binanın yeni sakinləri – ömür-gün yoldaşları, övladları Vətənin çağırışı ilə ölkəmizin ərazi bütövlüyü və müstəqilliyi naminə həyatlarından keçmiş, sağlamlıqlarını itirmiş ailələrin üzvləri çıxış edərək, Heydər Əliyevin tələb və göstərişlərini canla-başla yerinə yetirən şəxslərə bir daha minnətdarlıqlarını bildirdilər, öz ümidlərini ölkəmizin yeni seçilmiş Prezidenti İlham Əliyevlə bağladıqlarını vurğuladılar.

Mənzillərin orderləri və açarları təntənəli surətdə 36 ailəyə təqdim olundu, onlara qiymətli hədiyyələr verildi.

Sumqayıtın mərkəzində, Cəfər Cabbarlı adına küçədə inşa edilmiş bu yaşayış binası hər birinin sahəsi 68-72 kvadratmetr olan 2-3 otaqlı mənzillərdən ibarətdir.

Həmin layihəni həyata keçirmiş “Dolmen” Məhdud Məsuliyyətli Cəmiyyətinin nümayəndəsi AZƏRTAC-ın müxbirinə demişdir ki, mənzillər lazımi məişət şəraiti ilə təmin olunmuş, burada müasir sanitariya texnikası quraşdırılmış, hər bir mənzilə telefon çəkilmişdir. Cəmiyyətin nümayəndəsi bir ay ərzində mənzil sahiblərinin arzusuna uyğun olaraq, zəruri xırda işlər də görəcəkdir.

Yeni mənzil almış şəhid ailələri və Qarabağ müharibəsi əlilləri adından Prezident İlham Əliyevə müraciət qəbul olundu. Müraciətdə deyilir:

Əziz Prezident!

Azərbaycan xalqı tarix boyu yüksək mədəni irsə, milli ənənələrə, böyük iqtisadi potensiala, insan resurslarına malik xalq olmuş, öz mövcudluğu günündən dünyaya zaman-zaman bir sıra düha sahiblərini bəxş etmişdir. Azərbaycan xalqının bəşəriyyətə bəxş etdiyi tarixi simalardan biri də müasir Azərbaycan dövlətinin banisi, dünyanın nüfuzlu söz sahibi, respublikanın tarixində və taleyində ölçüyəgəlməz xidməti olan ümummilli liderimiz Heydər Əliyev idi. Azərbaycanda son 34 ildə əldə olunmuş nailiyyətlər öz xalqına sədaqətlə xidmət etmiş, Azərbaycanın dinamik inkişafının və tərəqqisinin təminatçısı olmuş Heydər Əliyevin adı ilə bağlıdır. Azərbaycanın dünyəvi dövlət kimi müasir beynəlxalq aləmdə özünəlayiq yer tutmasında böyük əzm və əsl fədakarlıq nümunəsi göstərmiş bu dahi şəxsiyyət tərəfindən müdrikcəsinə işlənmiş və müvəffəqiyyətlə həyata keçirilmiş neft strategiyası, aqrar islahatlar, özəlləşdirmə proqramları, o cümlədən müasir istehsal sahələrinin yaradılması görülən işlərin kiçik bir hissəsidir. Məhz Heydər Əliyevin müdrik siyasəti nəticəsində müstəqil Azərbaycanda son on ildə ən çətin siyasi, hərbi, iqtisadi problemlər həll edilməklə yanaşı, əhalinin, qaçqın və məcburi köçkünlərin, o cümlədən sosial qayğıya ən çox ehtiyacı olan təbəqənin güzəranının yaxşılaşdırılmasına, əmək haqlarının, pensiyaların dəfələrlə artırılmasına, onların bütün istiqamətlərdə sosial müdafiəsinin gücləndirilməsinə nail olunmuşdur.

Möhtərəm Prezident!

Hər bir sivil dövlətin qarşısında duran ən vacib problemlərdən biri də xüsusi qayğıya və yardıma ehtiyacı olan əlil vətəndaşların cəmiyyətə inteqrasiyasının təmin olunmasıdır. Bu mənada respublikanın ərazi bütövlüyünün, suverenliyinin və konstitusiya quruluşunun müdafiəsi zamanı əlil olmuş vətəndaşlara, habelə digər səbəblərdən fiziki məhdudiyyətli şəxslərə göstərilən diqqət Heydər Əliyevin qayğıkeşliyinin bariz nümunəsidir. Bu gün dövlətin yürütdüyü sosial yönümlü iqtisadi siyasətin məntiqi nəticəsi olaraq əhalinin aztəminatlı təbəqəsinin mənafeyi daim müdafiə edilir, bu qəbildən olan insanların fəal həyata inteqrasiyası üçün mühüm işlər görülür. Ölkənin ərazi bütövlüyünün qorunması uğrunda canlarını fəda edən insanların ailələrinə göstərilən qayğı, onların sosial müdafiəsi və rifahının yaxşılaşdırılması üçün görülən konkret tədbirlər, o cümlədən yüzlərlə insanın mənzil və fərdi evlərlə, min iki yüzdən artıq əlilin pulsuz nəqliyyat, ehtiyacı olanların hamısının reabilitasiya vasitələri ilə təmin edilməsi Vətən yolunda həlak olmuş şəhid ailələrinə, müharibədə sağlamlığını itirmiş insanlara qayğının parlaq nümunəsidir. Biz, Sizin də bu qəbildən olan insanlara qayğınızı, onların digər problemləri ilə yanaşı, mənzil problemlərinin həlli istiqamətində gördüyünüz işləri yüksək qiymətləndiririk.

Cənab Prezident!

Bu gün aztəminatlı ailələrin, əlillərin, veteranların və şəhid ailələrinin sosial qayğıları ilə məşğul olan Əmək və Əhalinin Sosial Müdafiəsi Nazirliyinin sifarişi ilə Sumqayıt şəhərində hər cür kommunal şəraiti olan 36 mənzilli binanın bizim istifadəmizə verilməsini ruh yüksəkliyi ilə qarşılayırıq. Eyni zamanda, təəssüf edirik ki, bu qayğının banisi olan Heydər Əliyev aramızda yoxdur. Bu gün 36 mənzildə işıq yanır. Biz inanırıq ki, cənnətməkan Prezidentimiz Heydər Əliyevin ruhu şad olmaqla yanaşı, həm də bizimlədir. Əslində, bu işıq onun ruhunun nurudur. Qoy, bu gözəl mənzillərdən süzülən işıq, sözün əsl mənasında onun ruhuna yandırılan şam olsun.

Zati-aliləri!

Çağdaş dövlətçilik tariximizin ən şərəfli səhifələri indi nuruna toplaşdığımız Heydər Əliyevin adı ilə bağlıdır. Bu düha və zəka sahibinin uzaqgörənliyini səciyyələndirən xüsusiyyətlərdən biri də ondan ibarətdir ki, o, özündən sonra Vətənin tərəqqisi, xalqın inkişafı naminə layiqli davamçısını yetişdirmişdir. “Xalqın gözü tərəzidir” deyib atalarımız. Elə buna görə də Azərbaycan xalqı son prezident seçkilərində məhz Sizə səs vermiş, ölkəmizin gələcək inkişafı və xalqımızın səadəti ilə əlaqədar ümidlərini Sizə bağlamışlar.

Xalqımız inanır və ümid edir ki, Azərbaycan dövlətinin yaxın gələcəkdə iqtisadi cəhətdən qüdrətli bir ölkəyə çevrilməsi, əhalinin sosial rifahının daha da yaxşılaşdırılması, ərazi bütövlüyümüzün bərpa edilməsi və qorunması üçün bütün qüvvə və bacarığınızı əsirgəməyəcəksiniz. Biz isə bu tarixi missiyanın həyata keçirilməsində daim Sizə yardımçı olacaq, Ali Baş Komandan kimi bütün çağırışlarınıza qoşulacaq, var qüvvəmizi səfərbər edərək həmişə Sizin yanınızda olacaq və apardığınız siyasəti inamla müdafiə edəcəyik.

Sizə sonsuz sevgi və ehtiramla,

Sumqayıt şəhərində Qarabağ müharibəsi

əlilləri və şəhid ailələri üçün inşa edilmiş

36 mənzilli binanın sakinləri adından:

Hacıyev Soltan Fərrux oğlu-I qrup Qarabağ müharibəsi əlili

Məmmədov Cabbar Abbas oğlu- II qrup Qarabağ müharibəsi əlili

Süleymanov İsgəndər Mədət oğlu-II qrup Qarabağ müharibəsi əlili

Yaqubov İslam Alı oğlu-I qrup Qarabağ müharibəsi əlili

Mehdiyev Sərxan Niyaz oğlu-II qrup Qarabağ müharibəsi əlili

Muradov Kamran Murad oğlu-II qrup Qarabağ müharibəsi əlili

Həsənov Nəsimi Pərviz oğlu- II qrup Qarabağ müharibəsi əlili

Məmmədəliyev Famil Əli oğlu- II qrup Qarabağ müharibəsi əlili

Həsənov Telman Hidayət oğlu-II qrup Qarabağ müharibəsi əlili

Babayev Sakit Şirvan oğlu- II qrup Qarabağ müharibəsi əlili

Nəsirov Malik Bəhram oğlu- II qrup Qarabağ müharibəsi əlili

Nəciyev Nizami Xanoğlan oğlu- II qrup Qarabağ müharibəsi əlili

Nuriyev Vəzir Təhməz oğlu- II qrup Qarabağ müharibəsi əlili

Şiriyev Vaqif Məmiş oğlu- II qrup Qarabağ müharibəsi əlili

Əlifxanov Hidayət Səfər oğlu- II qrup Qarabağ müharibəsi əlili

Abdullayev Asif Rauf oğlu- II qrup Qarabağ müharibəsi əlili

Namazov Elxan Yunis oğlu - II qrup Qarabağ müharibəsi əlili

Əməşov Məmmədağa Nəsir oğlu- II qrup Qarabağ müharibəsi əlili

Quliyev Soltan Məmməd oğlu- II qrup Qarabağ müharibəsi əlili

Mustafayev Elşən Aftandil oğlu - II qrup Qarabağ müharibəsi əlili

Məmmədov Mehman Rza oğlu- II qrup Qarabağ müharibəsi əlili

Əliyev Rövşən Sədr oğlu- II qrup Qarabağ müharibəsi əlili

Rüstəmov Rza Rüstəm oğlu- II qrup Qarabağ müharibəsi əlili

Məmmədov Füzuli Surxay oğlu- II qrup Qarabağ müharibəsi əlili

Şəkərov Məmməd Bəylər oğlu- II qrup Qarabağ müharibəsi əlili

Rzayev Vidadi Əsədulla oğlu- II qrup Qarabağ müharibəsi əlili

Məmmədov Eyvaz Şərafəddin oğlu- II qrup Qarabağ müharibəsi əlili

Rəcəbov Xanlar Yunis oğlu- II qrup Qarabağ müharibəsi əlili

Məmmədov Əjdər İmran oğlu- II qrup Qarabağ müharibəsi əlili

Rufullayev Vaqif Yoldaşxan oğlu- I qrup Qarabağ müharibəsi əlili

Quliyev Ramiz Telman oğlu- I qrup Qarabağ müharibəsi əlili

Zəkiyev İlham Əzizağa oğlu- I qrup Qarabağ müharibəsi əlili

İsgəndərova Aytəkin Qəni qızı- şəhid ailəsi

Ağayeva Sevda Məmmədhəsən qızı-şəhid ailəsi

Cəfərova Sənubər Elçi qızı-şəhid ailəsi

Dadaşova Əntiqə Zahir qızı-şəhid ailəsi