“Sumqayıt”ın yoxlama görüşündəki rəqibi dəyişib
Bakı, 12 yanvar, AZƏRTAC
Türkiyədə təlim-məşq toplanışında olan “Sumqayıt” futbol klubunun yoxlama görüşündəki rəqibi dəyişib.
AZƏRTAC kluba istinadla xəbər verir ki, baş məşqçi Samir Abasovun yetirmələri əvvəlcədən nəzərdə tutulduğu kimi, Macarıstan təmsilçisi “Mezököveşt”lə deyil, Serbiyanın “Radnik” klubu ilə üz-üzə gələcək. Bu gün “Topkapı” otelinin meydançasında baş tutacaq qarşılaşma Bakı vaxtı ilə saat 17:00-da start götürəcək.
Qeyd edək ki, “Sumqayıt” Antalyada ikinci yoxlama görüşünü yanvarın 17-də Rusiyanın “Krılya Sovetov” klubuna qarşı keçirəcək.
Bölmənin digər xəbərləri
