Süni intellekt Britaniyada nəfəs problemlərinin aşkarlanmasını sadələşdirib
London, 31 mart, AZƏRTAC
Böyük Britaniyada 3 milyon insanın əziyyət çəkdiyi ağciyər xəstəliyinin diaqnostikasını dəyişmək üçün yeni süni intellekt əsaslı cihaz təqdim olunub.
AZƏRTAC “Sky News”a istinadla xəbər verir ki, “N-Tidal Diagnose” adlanan portativ cihazın Milli Səhiyyə Xidmətinə (NHS) həm diaqnostikanı sürətləndirməyə, həm də xərcləri azaltmağa kömək edəcəyi gözlənilir.
İndiyə qədər bu xəstəliyin təsdiqi üçün xəstədən zorla nəfəs verməsini tələb edən spirometriya testi tələb olunurdu. Bu testə hazırlaşmaq və onu həyata keçirmək üçün 30 dəqiqə və ya daha çox vaxt tələb olunurdu. Üstəlik, xəstənin öncədən görüş təyin etməsi də lazım gəlirdi.
Yeni cihaz isə bu prosesi sadələşdirir. Pasiyent cihazın ağızlığına sadəcə normal şəkildə nəfəs verir. Cihaz nəfəsdəki karbon dioksidi qeydə alır və məlumatları platformata göndərir. Burada süni intellekt proqramı həmin məlumatları real vaxtda təhlil edir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
