SÜRƏYYA AYXAN TÜRKİYƏ AZARKEŞLƏRİNİN ÜMİDLƏRİNİ PUÇA ÇIXARDI
Olimpiadanın qızıl medalını qazanmağa real namizədlərdən biri olan Ayxan hələ Afinada Oyunlar başlanmazdan əvvəl bildirmişdi ki, ayağı zədələndiyi üçün Yunanıstana getməyəcəkdir. Onun bu bəyanatı Türkiyədə partlayan bomba effekti verdi. Azarkeşlər bütün ümidlərini ona bağlayır və hesab edirdilər ki, bu idmançı ölkənin tarixində ona ilk dəfə yüngül atletika yarışlarında Olimpiadanın qızıl medalını gətirəcəkdir. Lakin tezliklə Türkiyənin kütləvi informasiya vasitələri sanki əlbir olub, “türk yüngül atletika kraliçası” barədə məqalələr verməyi dayandırmış, digər idman mövzularında yazmağa başlamışlar.
S. Ayxanın Afina Olimpiadasında iştirakdan imtina etməsinin əsl səbəbi lap bu yaxınlarda məlum olmuşdur. Demə, o, hazırlıq dövrundə stimullaşdırıcı preparatlardan istifadə edirmiş. Beynəlxalq Yüngül Atletika Federasiyasının başçısı İştvan Qulai “ Hürriyyət” qəzetinə verdiyi müsahibədə bildirmişdir ki, bu idmançı avqust ayının əvvəllərində BOK-un antidopinq komissiyasına başqa bir adamın analizlərini təqdim etməkdə ifşa olunmuşdur.
Onun fikrincə, S.Ayxan 2 ildən 4 ilədək müddətə yarışlarda iştirak hüququndan məhrum edilə bilər.
Bölmənin digər xəbərləri
