“TABUTQAYIRAN”NIN PREZİDENTLİK ARZUSU GÖZÜNDƏ QALDI
Rusiya mətbuatında bu adamı, bir qayda olaraq, “tabut ustası” adlandırırlar. Çünki onun tabut hazırlayan və digər mərasim xidmətləri göstərən firması var.
Həmvətənlərimizə isə o, özünün fitnəkar faşist görüşləri və bəyanatları ilə tanışdır. Bu üzdəniraq xadimin bütün siyasi məramnaməsi əcnəbilərə nifrətdən, bütün “yadelliləri” Rusiyadan təcili olaraq qovmaq çağırışlarından ibarətdir. “Tabutqayıran” azərbaycanlılara qarşı xüsusilə nifrət bəsləyir.
G.Sterliqovun məhz belə insana nifrət mövqeyi və əməlləri Rusiyanın nüfuzlu ictimai təşkilatlarından birini – Federal Azərbaycan Milli Mədəni Muxtariyyətini milli ədavəti qızışdırdığına görə, ötən ilin dekabrında bu başabəla siyasətçiyə qarşı iddia ərizəsi verməyə vadar etmişdir.
Bir sözlə, G.Sterliqov RF MSK-nı və onun sədri A.Veşnyakovu guya hüquqazidd əməllərinə görə məhkəməyə verməklə hədələsə də, “tabutqayıran”ın siyasi iddialarına son qoyulmuşdur, ona görə ki, prezidentliyə namizədlərin qeydiyyata alınmasının son müddəti yanvarın 6-da bitmişdir.
Həmvətənlərimizin iddiasının hüquqi nəticələrinə gəldikdə isə, bu proses hələ irəlidədir.
Bölmənin digər xəbərləri
