TACİKİSTAN ƏRAZİSİNDƏ RUSİYA HƏRBİ BAZASI YARADILACAQ
AZƏRTAC-ın xüsusi müxbiri xəbər verir ki, Tacikistanın xarici işlər naziri Talbak Nazarov Düşənbədə keçirdiyi mətbuat konfransında ölkənin hakimiyyət dairələrinin respublika ərazisində Rusiya hərbi bazasının yaradılmasında maraqlı olduğunu bildirmişdir. O demişdir ki, 1999-cu ildə Moskvada “Tacikistanda Rusiya hərbi bazasının statusu haqqında” müqavilə imzalanmışdır və tərəflər bu müqaviləyə əlavə olaraq, daha üç sənəd də hazırlayır. Ümumiyyətlə, Rusiya hərbi bazası Tacikistanda olmalıdır və olacaqdır. Tacikistan və Rusiya uzun illərdir ki, strateji tərəfdaşdır və bu tərəfdaşlıq bundan sonra da davam etdiriləcəkdir. Nazirin sözlərinə görə, iki ölkə arasında həll edilməmiş problem yoxdur və olmayacaqdır.
Bölmənin digər xəbərləri
