Tbilisi muzeyində yanğın nəticəsində 100 yaşlı müharibə veteranı ölüb
Tbilisi, 1 mart, AZƏRTAC
Tbilisinin mərkəzində yerləşən Böyük Vətən müharibəsi Muzeyində güclü yanğın olub.
AZƏRTAC xəbər verir ki, yanğın nəticəsində muzeyin ikinci mərtəbəsindəki kiçik otaqda yaşayan Böyük Vətən müharibəsinin 100 yaşlı veteranı həyatını itirib. İlkin ehtimallara görə, o, tüstüdən boğulub.
Gürcüstan Daxili İşlər Nazirliyində faktla bağlı cinayət işi başlanılıb. Bildirilir ki, ölən şəxs 1918-ci ildə anadan olub və onun100-dən çox yaşı var idi.
Muzeydə yanğın söndürülüb, dəymiş ziyanın məbləği dəqiqləşdirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
