TBİLİSİDƏ RUSİYA-GÜRCÜSTAN BİZNES KONFRANSI BAŞLAMIŞDIR
Gürcüstan Prezidenti Mixail Saakaşvili konfransı açaraq tədbir iştirakçılarına uğurlar diləmişdir. Prezident Gürcüstanda yaxın keçmişdə biznes üçün qeyri-sabit vəziyyətin mövcud olduğunu, hazırda ölkədə qayda-qanunun və sabitliyin bərpa edilməsi nəticəsində bu sahənin inkişafı üçün yaxşı şərait yaradıldığını bildirmişdir.
Konfransda Gürcüstanın Baş naziri Zurab Jvaniya, Rusiya Federasiyası iqtisadi inkişaf və ticarət naziri, nümayəndə heyətinin başçısı German Qreb çıxış etmişlər.
Rusiyalı biznesmenlər Gürcüstana böyük məbləğdə sərmayələr qoymaq niyyətindədirlər. Xatırladaq ki, son 13 ildə Gürcüstan və Rusiya biznesmenləri üçüncü dəfədir ki, belə mötəbər məclisdə görüşür, yeyinti sənayesi, energetika və ticarət sahəsində qarşılıqlı əməkdaşlıq məsələlərini müzakirə edirlər. 100-dək rusiyalı biznesmenin iştirak etdiyi konfrans mayın 29-da başa çatacaqdır.
Bölmənin digər xəbərləri
